Sunday 28 April 2013

ജനിക്കും മുന്‍പേ!

ജനിക്കും മുന്‍പേ....., ഞാന്‍ ആണെന്നോ പെണ്ണെന്നോ അറിയും മുന്‍പേ,അച്ഛന്‍ പറഞ്ഞു, 'നീ വലുതാവുമ്പോള്‍ ഒരു ഡോക്ടര്‍ ആകണം' എന്ന്. അപ്പോള്‍ അമ്മ പറഞ്ഞു 'വേണ്ട, നീ ഒരു എഞ്ചിനീയര്‍ ആയാല്‍ മതി' എന്ന്. അച്ഛന്‍ പറ്റില്ലെന്ന് പറഞ്ഞു. അമ്മയും വിട്ടു കൊടുത്തില്ല. രണ്ടു പേരും പറഞ്ഞു പറഞ്ഞു അതൊരു തര്‍ക്കമായി. അടിയായി. ഇടിയായി. ജനിക്കാത്ത എന്നെ ചൊല്ലി എന്‍റെ അച്ഛനും അമ്മയും ശത്രുക്കളായി.  ഒടുവില്‍ സഹിക്കാന്‍ വയ്യാതെ ഞാന്‍ ആത്മഹത്യ ചെയ്തു...ജനിക്കും മുന്‍പേ...!!
ചിന്തകള്‍ക്ക് വാക്കുകളായി മാറാന്‍ ഒരു മടി പോലെ.
നീ ആരെയാണ് ഭയപെടുന്നത്?
ഈ സമൂഹത്തെയോ?
അതോ നിന്നെ തന്നെയോ?