ആരാണെന്നോ...ആരൊക്കെയാണെന്നോ  തൽക്കാലം പേരെടുത്തു പറയുന്നില്ല. പക്ഷേ, പറയാതെ പറ്റില്ല എന്ന ഒരു സീറ്റുവേഷൻ വന്നാൽ പറയുക തന്നെ ചെയ്യും.

1. ഞാൻ ജനിച്ച വിശേഷം എന്റെ ചേട്ടൻ കൂട്ടുകാരോട് പറയുന്നു. കൂട്ടുകാർ ചേട്ടനെ കളിയാക്കുന്നു. 'ഓഹ്..കറുത്ത കൊച്ചായിരിക്കും.' ചേട്ടൻ വീട്ടിൽ ചെന്നിട്ട് കൂട്ടുകാർ കളിയാക്കിയ വിവരം ചെന്ന് പറയുന്നു. വീട്ടുകാർ എന്ത് പറഞ്ഞെന്ന് അറിയില്ല. ഈ സംഭവം ഞാൻ കുറച്ചു വർഷങ്ങൾ മുൻപാണ് അറിയുന്നത്. ഏത് കൂട്ടുകാരാണ് പറഞ്ഞതെന്നും അറിയില്ല.

2. ഒന്നിലോ രണ്ടിലോ പഠിക്കുമ്പോൾ ആണ് എന്നെക്കാൾ ഒരു ക്ലാസ്സ് ജൂനിയർ പയ്യൻ (
അവനോടു ഞാൻ മുൻപ് മിണ്ടിയിട്ടു പോലും ഇല്ല. മാത്‌സ് ടീച്ചറുടെ മോൻ ആണ് എന്നറിയാം.) എന്റെ അടുത്തു വന്നിട്ട് എന്റെ ഭാഗത്ത് നിന്ന് ഒരു പ്രോവൊക്കേഷനും കൂടാതെ 'നീ എന്ത് ബ്ലാക്ക്‌ ആണ്? നിന്റെ വീട്ടിലുള്ളവർ എല്ലാം ബ്ലാക്ക്‌ ആണോ?' എന്ന് പറഞ്ഞു എന്നെ കളിയാക്കി ചിരിച്ചു കൊണ്ട് ഓടി പോകുന്നു. വീട്ടിൽ ചെന്ന് വിഷമം പറഞ്ഞിട്ടും ആരും എനിക്ക് വേണ്ടി ചോദിക്കാൻ ശ്രമിച്ചില്ല.  I was forced to keep calm. അവൻ മാത്‌സ് ടീച്ചറുടെ മോൻ ആണ്. കംപ്ലൈന്റ് കൊടുത്താൽ എന്റെ മാർക്ക് കുറയ്ക്കും സ്കൂളിൽ നിന്നൊക്കെ പുറത്താക്കിയാലോ എന്ന ലൈൻ. Pathetic. അപ്പോഴും ഇപ്പോഴും ഞാൻ ആലോചിക്കുന്നത് ഞാൻ എന്ത് തെറ്റാണ് ചെയ്തത് എന്നാണ് . എന്തിനാണ് അവൻ വെറുതെ വന്നു അങ്ങനെ പറഞ്ഞിട്ട് പോയത് എന്നാണ്. ഈ പയ്യൻ ഇപ്പോൾ ഒരു പ്രൊഫഷണൽ മോട്ടിവേഷണൽ സ്‌പീക്കർ ആണ്. Genuine ആയിട്ടുള്ള ഒരു ചെയ്ഞ്ച് അവന് ഉണ്ടായിട്ടുണ്ടെങ്കിൽ നല്ലത്.

3. ഏറ്റവും അടുത്ത സുഹൃത്തുക്കൾ എന്നു കരുതിയ ചില പെണ്കുട്ടികള് എന്നോട് തന്നെ വന്നു ചോദിക്കുന്നു..അല്ലെങ്കിൽ പരിഭവം പറയുന്നു. 'അയ്യോ...ഞാൻ കറുത്തു പോയോ?', 'കുടയെടുക്ക് വെയിലു കൊണ്ടാൽ കറുത്തു പോകും.' അല്ലെങ്കിൽ വേറെ ആരെങ്കിലെയും കുറിച്ചു പറയുമ്പോൾ..  'അവൻ / അവൾ ഭയങ്കര കറുത്തിട്ടാണ്'.

4. ഗ്രൂപ്പ് ഡാൻസ് പഠിപ്പിക്കുന്ന സാർ ഡാൻസ് പ്രാക്ടിസിന്റെ ഇടക്ക് എല്ലാ പിള്ളേര്ക്കും സുന്ദരിപ്പട്ടം ചാർത്തി കൊടുക്കുന്നു. മിസ് ഇന്ത്യ, മിസ് യൂ.എസ്.എ, മിസ് റഷ്യ അങ്ങനെ ഒരു ലിസ്റ്റ്. എനിക്കും വേറൊരു കുട്ടിയ്ക്കും മിസ് ആഫ്രിക്ക പട്ടം ചാർത്തി തരുന്നു. ബാക്കി ആർക്കും കിട്ടാത്ത ഒരു ഗ്രൂപ്പ് പൊട്ടിചിരിയും എകസ്ട്രാ കിട്ടി.

5. ഏത് ക്ലാസ് ആണെന്ന് കറക്റ്റ് ആയി ഓർക്കുന്നില്ല. ടീച്ചർ Ugly and Beautiful എന്ന വാക്കുകൾ പഠിപ്പിക്കുകയാണ്. ബുക്കിൽ രണ്ടു സ്ത്രീകളുടെ പടവും ഉണ്ട്. Beautiful എന്ന് എഴുതിയിരിക്കുന്ന അവിടെ വെളുത്ത മെലിഞ്ഞ ഒരു സ്ത്രീയുടെ പടം. Ugly എന്ന് എഴുതിയിരിക്കുന്നതിന്റെ അവിടെ കറുത്തിട്ടും അല്പം വണ്ണവും ഉള്ള സ്ത്രീയുടെ പടം. പഠിപ്പിക്കുമ്പോൾ ബാക്കി ഉള്ളവർ എന്നെ നോക്കി ചിരിക്കുന്നു.

6. ദീനാമ്മ എന്ന ചെറുകഥ പഠിക്കാൻ ഉണ്ടായിരുന്ന വർഷം. ടീച്ചർ ക്ലാസ് എടുത്തു കഴിഞ്ഞു ബെൽ അടിച്ചപ്പോൾ മുതൽ അടുത്തിരുന്നവർ ദീനാമ്മേ ദീനാമ്മേ എന്നു വിളിച്ചു കൊണ്ടിരിക്കുന്നു.

7. കറുത്ത നിറം ആയത് കൊണ്ട് മാത്രം സ്കൂളിലെ ഡാൻസ് പോലുള്ള ഇവന്റ്സിൽ നിന്ന് മാറ്റപ്പെടുന്നു. പല പ്രാവശ്യം.

8. ഒരു ടീച്ചർ, ക്ലാസ് എടുത്തു കൊണ്ടിരിക്കുന്നതിന്റെ ഇടയിൽ ക്ലാസ് നിർത്തിയിട്ട് ഇടക്കിടെ പറയും. 'Tanu is dark / black. But, she is cute. Is it not ?'. ക്ലാസ്സിൽ ഉള്ളവർ 'Yes' എന്ന് കോറസ് ആയി പറയും. She is cute എന്ന് പറയുമ്പോൾ സന്തോഷം തോന്നിയിട്ടുണ്ടെങ്കിലും, പിന്നീട് മുതിർന്നപ്പോൾ എന്റെ മൈൻഡിലേക്ക് strike ആയത് cute എന്ന് പറയുന്നതിന്റെ പിന്നിലെ 'IS DARK / BLACK, BUT' എന്ന വാക്കുകൾ ആണ്.

9. എന്റെ ടീനേജ് പ്രായം. ശാരീരികമായ മാറ്റങ്ങൾ ഉണ്ടാകുന്ന സമയം. ചെറുപ്പത്തിൽ മെലിഞ്ഞിരുന്ന എനിക്ക് വണ്ണം വെച്ചു വരുന്നു. ഡാൻസ് പഠിപ്പിക്കുന്ന മറ്റൊരു ടീച്ചർ കുട്ടികളുടെ മുന്നിൽ വെച്ചു പറയുന്നു. കുറച്ചൊക്കെ കഴിക്ക്. വലിച്ചു വാരി തിന്നാൽ വീർത്ത് വീപ്പ പോലെ ആകും എന്ന് പറയുന്നു.

10. ഡാൻസ് പ്രോഗ്രാമിന് ആദ്യമേ മേക്കപ്പ് ഇടാൻ വേണ്ടി ചെന്ന് നിന്നപ്പോൾ മേക്കപ്പ് ഇടാൻ വന്ന ആൾ എന്നെ മാറ്റി നിർത്തുന്നു. എന്നെ മേക്കപ്പ് ചെയ്യാൻ കുറെ സമയം വേണ്ടി വരും. ബാക്കി ഉള്ളവർക്ക് ചെയ്തിട്ട് ചെയ്യാമെന്ന് പറയുന്നു. ബാക്കി ഉള്ളവരുടെ മുഖത്ത് മാത്രം മേക്കപ്പ് ഇടുമ്പോൾ എന്റെ കൈയ്യിലും കാലിലും വരെ മേക്കപ്പ്.

ഇത്രയും സ്കൂളിൽ പഠിക്കുമ്പോൾ നടന്ന ചില കാര്യങ്ങൾ ആണ്.

11. കോളേജിൽ പഠിക്കുമ്പോൾ എനിക്ക് ചില പേരുകൾ ചാർത്തി കിട്ടി. കാക്ക, ആന പിന്നെ എനിക്ക് പറയാൻ തോന്നുന്നിലാത്ത പേരുകൾ. എന്റെ physique വെച്ചു കൊണ്ടുള്ള പേരുകൾ. ക്ലാസ്സിൽ വെച്ചും... ഇടക്ക് നടന്ന് പോകുമ്പോഴും ഒക്കെ കാക്ക കരയുന്ന ശബ്ദം ബാക്ക്ഗ്രൗണ്ട് ആയി ഇട്ടു തരാൻ ആളുകൾ ഉണ്ടായിരിന്നു.

12. ഒരു പരിചയവും ഇല്ലാത്ത.. മുൻപ് കണ്ടിട്ടില്ലാത്ത ഒരു സ്ത്രീ വന്നു ചോദിക്കുന്നു. എന്താ മുഖത്ത് ഇങ്ങനെ കറുത്ത പാട് പോലെ ഇരിക്കുന്നേ എന്ന് ചോദിക്കുന്നു.

13. ക്ലാസ്സിൽ പഠിക്കുന്ന ഒരു പയ്യൻ പറയുന്നു... നിന്നെയൊക്കെ ഏതെങ്കിലും കരുമാടിക്കുട്ടനെ കെട്ടുള്ളൂ.


ഓഫീസിലും സ്ഥിതി മെച്ചമൊന്നും അല്ലായിരുന്നു.

14. കാക്ക എന്ന വിളി അവിടെയും ഉണ്ടായിരുന്നു.

15. എന്നെ കാണാൻ ഭംഗി ഒന്നും ഇല്ല എന്നും എന്റെ വയർ ചാടി ഇരിക്കുന്നതിനെ പറ്റിയും ഓഫീസിലെ one of the top positions ഇരിക്കുന്ന ആളുടെ കമെന്റ്. ഒഫീഷ്യൽ കാര്യങ്ങൾ discuss ചെയ്യാൻ വിളിച്ച മീറ്റിൽ ആണ് ഈ കമെന്റ്‌സ് കേൾക്കുന്നത്.


ഇനി അടുത്തത്. കല്യാണം.

16. എന്റെ ഫോട്ടോ കണ്ടപ്പോൾ കിട്ടിയ ആദ്യ റെസ്പോണ്സ്‌ 'ഭയങ്കര കറുപ്പാണല്ലോ' എന്നാണ്. എന്റെ വിദ്യാഭ്യാസവും ജോലിയും ഒന്നും ആ പിക്ചറിലേ വന്നില്ല. ഈ റെസ്പോണ്സിനെ പറ്റി എന്നോട് പറഞ്ഞ വ്യക്തി, അന്നത് പറഞ്ഞതിൽ regret ചെയ്യുന്നെന്നു എന്നോട് പിന്നീട് പറഞ്ഞു. ബട്ട് പറഞ്ഞത് കൊണ്ട് നന്നായി എന്നെ ഞാൻ പറയുള്ളൂ. അല്ലെങ്കിൽ കഥയറിയാതെ ആട്ടം കണ്ടു തുള്ളി നടന്നേനെ. റിപീറ്റേഡ് ആയി ബോഡിഷെമിങ്‌ കമെന്റ്‌സ് വന്നപ്പോൾ ഈ alliance മുന്നോട്ട് പോകേണ്ട എന്ന് വെച്ചതാണ്. engagementന്റെ തലേ ദിവസവും ഇത് ശരിയാവുമോ എന്നൊരു തോന്നൽ എന്റെ മനസിലേക്ക് വന്നു കയറി എന്നത് വാസ്തവം മാത്രം. വന്നു കയറുന്ന കുട്ടി കറുത്തതാണെന്നു വിഷമം പറഞ്ഞ വീട്ടിൽ നിന്ന് ഇനി എന്തൊക്കെ കേൾക്കേണ്ടി വരും എന്നും ചിന്തിക്കാതിരുന്നില്ല. engagementന്റെ തലേ ദിവസം രാത്രി ഭാവി വരൻ ഫോണിൽ വിളിച്ചു പറഞ്ഞ കാര്യങ്ങളും ഈ ചിന്തയുടെ ആക്കം കൂട്ടി.

17. engagementഇനും കല്യാണത്തിനും എന്റെ മേക്കപ്പിനെ ചൊല്ലി ഞാൻ കേൾക്കേണ്ടി വന്ന പഴി, പരിഹാസം ഒരിക്കലും മറക്കില്ല. ആരൊക്കെയാണെന്ന് അധിക്ഷേപിച്ചതെന്നും ഒരിക്കലും മറക്കില്ല.

18. കല്യാണപയ്യനെ കണ്ടപ്പോൾ ചിലരുടെ കമെന്റ്. തനൂജയ്ക്ക് നല്ല വെളുത്ത ചെക്കനെ കിട്ടിയല്ലോ. ഞാൻ എന്തോ മുൻജന്മ സുകൃതം ചെയ്ത പോലെ. ഇതിൽ കൂടുതൽ എന്തു ഭാഗ്യം വേണം എന്ന ലൈൻ.

19. നാട്ടിൽ വെച്ചു ഞാനും എന്റെ ഭർത്താവും നടന്നു പോകുമ്പോൾ ഞങ്ങളെ ശ്രദ്ധിക്കുന്ന ആളുകളെ ഞാൻ ശ്രദ്ധിച്ചിട്ടുണ്ട്. ഇതെന്ത് കോംബിനേഷൻ എന്നത് പോലെ. ഇവിടെ ഒന്നു എടുത്തു പറയാതെ വയ്യ. ബാംഗ്ലൂർ വന്നിട്ട് I never faced such a situation.

20. കല്യാണം കഴിഞ്ഞു. മഞ്ഞൾ തേച്ചാൽ വെളുക്കും..കാറ്റർവാഴയുടെ നീരു തേച്ചാൽ മുഖത്തെ പാട് മാറും.. മുതലായ ഒറ്റമൂലി വൈദ്യം. എന്തൊക്കെയോ എണ്ണ തേച്ചു കുളിക്കാൻ പറഞ്ഞു നിർബന്ധിക്കുന്നു. ആ പറച്ചിലുകളിൽ ഒരിക്കലും care എന്നത് എനിക്ക് ഫീൽ ചെയ്തിട്ടില്ല. എന്റെ നിറം അവിടെ ഒരു പ്രശ്നം ആണെന്ന് ഞാൻ മനസ്സിലാക്കി. തനൂജയുടെ വണ്ണവും മുടിയുടെ നീളവും മറ്റു പലതും അവിടെ പ്രശ്നം ആയി.

21. നാട്ടിൽ പോകുമ്പോൾ എല്ലാം ഭർത്താവിന്റെ ഒരു relativeന്റെ മകൻ വന്നു 'ചിറ്റ ഭയങ്കര കറുത്തിട്ടാണ്‌' എന്ന് പറയുന്നു. അത് കേട്ട് അവിടെ ഉണ്ടായിരുന്നവർ ചിരിക്കുന്നു. പിന്നീട് ഒരിക്കെ ടിവിയിൽ ഹിറ്റിന്റെ പരസ്യം വന്നപ്പോൾ എന്റെ പുറകെ നടന്ന് കറുത്ത ഹിറ്റ് എന്ന് പറഞ്ഞു കൊണ്ടിരിക്കുന്നു. അപ്പോഴും അടുത്തിരുന്നവർ എന്റെ മുഖത്തു നോക്കി ചിരിച്ചു കൊണ്ടിരുന്നതെ ഉള്ളു. പിന്നീട് ഒരിക്കൽ വീണ്ടും ഇങ്ങനെ ഉണ്ടായപ്പോൾ അവനോട്, ഇപ്പൊ പറഞ്ഞത് അവന്റെ അച്ഛന്റെയും എന്റെ ഭർത്താവിന്റെയും മുന്നിൽ ചെന്ന് പറയാൻ പറഞ്ഞു. അവരെങ്കിലും അവൻ പറയുന്നതിലെ ശരികെട് പറഞ്ഞു കൊടുക്കുമെന്ന് കരുതി. I was totally wrong there. അവരും ഒരക്ഷരം മിണ്ടിയില്ല. Very Very Pathetic.

22. എന്റെ പീരിയഡ്സ് ചിലപ്പോ കുറച്ചു ദിവസം ലേറ്റ് ആയി ആണ് വരുന്നതെന്ന് ഒരാൾ അറിഞ്ഞപ്പോൾ കിട്ടിയ ആദ്യത്തെ മറുചോദ്യം 'ഇനി കുട്ടികൾ ഉണ്ടാവില്ലായിരിക്കുമോ?' എന്നാണ്. ഞാൻ ഒരിക്കലും പ്രതീക്ഷിക്കാത്ത ഒരാളുടെ വായിൽ നിന്നാണ് ഞാൻ കേട്ടത്. എന്റെ മരണം വരെ ഞാൻ അത് മറക്കില്ല.

ഇനിയും ഉണ്ട് കുറെ. ഗ്രൂപ്പ് ഫോട്ടോ എടുക്കുമ്പോൾ എന്നെ കാണുന്നില്ല എന്നൊക്കെ കളിയാക്കി കൊണ്ടുള്ള കമെന്റ്. ഡ്രസ്സ് എടുക്കാൻ പോകുമ്പോൾ സെയിൽസ് ഗേൾസിന്റെ കമന്റ്‌സ്. തല്ക്കാലം ലിസ്റ്റ് ഇവിടെ നിർത്തുന്നു. ഒന്നും exagerrated അല്ല എന്ന് മാത്രം മനസിലാക്കുക. എല്ലാം നടന്നതാണ്.

ഇങ്ങനെയെല്ലാം ഉണ്ടായപ്പോൾ ഞാൻ എന്ത് ചെയ്തു എന്ന് ആലോചിക്കുണ്ടാവും അല്ലേ?! ഉള്ളിൽ നല്ല ദേഷ്യം തോന്നിയിട്ടുണ്ടെങ്കിലും പലപ്പോഴും അതൊരു ഇഷ്യൂ ആയി മാറാതിരിക്കാൻ മിണ്ടാതിരുന്നു. ഇത്തരത്തിൽ ഉള്ള ഒരു കോൺവെർസേഷൻ ബിൽഡ് ആയി വരുമ്പോൾ പതിയെ അത്തരം ചർച്ചകളിൽ നിന്ന് ഒഴിഞ്ഞു മാറി. ചിലരോടൊക്കെ തിരിച്ചും അതേപോലെ പറഞ്ഞു. അതൊരു സെല്ഫ് ഡിഫെൻസ് ആയിരുന്നു. ചിലത് ഞാൻ തന്നെ ചിരി വരുത്തി ഒഴിവാക്കി. അവരുടെ വിവരമില്ലായ്മ എന്ന് സ്വയം പറഞ്ഞു സമാധാനിക്കാൻ ശ്രമിച്ചു. I tried to stay calm.

ആളുകൾ ഈ പറയുന്നത് ഒക്കെ ignore ചെയ്യാൻ കഴിയാത്തത് എന്റെ immaturity ആണെന്നാണ് ചില വ്യക്തികൾ പറഞ്ഞത്. അവരോടാണ് ഇനി പറയുന്നത്. ഞാൻ ignore ചെയ്തിട്ടേ ഉള്ളു. എനിക്ക് 30 വയസ്സ് ആകാൻ പോകുന്നു. ജനിച്ചപ്പോൾ മുതൽ കേൾക്കുന്നത് ഇന്ന് വരെ ignore ചെയ്തിട്ടേ ഉള്ളു. ഒരാളോടും നീയാരാ എന്നോട് ഇങ്ങനെ പറയാൻ എന്ന് ചോദിച്ചിട്ടില്ല. ചോദിക്കാതിരുന്നത് എന്റെ തെറ്റ് എന്ന് ഞാൻ മനസിലാകുന്നു. .

പക്ഷേ, ഇനി ഇല്ല. അങ്ങനെ ചെയ്‌താൽ...അത് എന്നോട് തന്നെ ചെയ്യുന്ന ശരികേടാകും. ഓരോരുത്തരുടെ പ്രായത്തിന്റെ കുഴപ്പം കൊണ്ടാണ് ഇങ്ങനെ എന്നോട് പറയുന്നത് എന്നു പറഞ്ഞു ന്യായീകരിക്കാൻ വരുന്നവരോട് എനിക്ക് ഒന്നേ പറയാനുള്ളു.  ഇത് പ്രായത്തിന്റെ കുഴപ്പം അല്ലാ.. വിവരക്കേടിന്റെ കുഴപ്പം ആണ്. നിങ്ങളുടെ സൃഹുത്ത് ഒരു തുണിക്കടയിൽ വെച്ച് ബോഡിഷെമിംഗ് നടത്തിയത് നിങ്ങൾ മറന്നിട്ടുണ്ടാവില്ലല്ലോ. അവർക്ക് നിങ്ങളുടെ അതെ പ്രായം തന്നെയായിരുന്നെന്ന് ഒന്ന് ഓർത്താൽ നന്ന്. നേരത്തെ പറഞ്ഞ റിലേറ്റീവിന്റെ കുട്ടിയില്ലേ?! അവന് പത്തു വയസ്സിൽ താഴെയേ പ്രായം ഉള്ളു.

ഇങ്ങനെ വിവരക്കേട് കാണിക്കുന്നവരോട് മിണ്ടാതിരുന്നാൽ... ഇനിയുള്ള ജനറേഷനും ഇത് കേൾക്കേണ്ടി വരും. അങ്ങനെയൊന്ന് ഉണ്ടാവാതിരിക്കാൻ എന്നെകൊണ്ട് ആവുന്നത് പോലെ ഞാൻ ശ്രമിച്ചു കൊണ്ടേ ഇരിക്കും.

ഇത് വരെ പറഞ്ഞത് ബോഡി ഷെമിങ് മാത്രമാണ്. വംശീയ അധിക്ഷേപം മറ്റൊരു സൈഡിൽ കൂടി നടക്കുന്നുണ്ട്. ശാരീരികമായ ചൂഷണങ്ങളും  ഏൽക്കേണ്ടി വന്നിട്ടുണ്ട്.

ഞാൻ മനസിലാക്കി വരുവാണ്. ഓരോ ആളുകളെയും. അവരുടെ ചിരിയുടെ പിന്നിലെ ക്രൂരതയും. ഓരോ അനുഭവങ്ങൾ ആണ് എന്നെ പഠിപ്പിക്കുന്നത്. എല്ലാം തുറന്ന് മിണ്ടാൻ വീണ്ടും വീണ്ടും പ്രേരിപ്പിക്കുന്നത്.

ബോഡി ഷെമിങ് ഒരുപാട് നോര്മലൈസ് ചെയ്യപ്പെട്ടിരുന്ന ഒരു കാലഘട്ടം ഉണ്ടായിരുന്നു. ഇപ്പോഴും ആണ്. അല്ലെന്നല്ല. പക്ഷെ, ഇന്ന് അത് ശെരിയല്ല എന്നൊരു തിരിച്ചറിവ് എനിക്ക് ഉണ്ട്. ആ ഒരു തിരിച്ചറിവ് ഇല്ലാതിരുന്ന കാലത്തു... വിവരം ഇല്ലാതിരുന്ന കാലത്ത്...  ഞാനും ഇത് പോലുള്ള കമന്റ്സ് പറഞ്ഞിട്ടുണ്ട്. അന്നങ്ങനെ പറഞ്ഞു പോയതിൽ ഇന്ന് എനിക്ക് കുറ്റബോധം ഉണ്ട്. അന്ന് ആ തെറ്റ് തിരുത്തി തരാൻ ആരും ഉണ്ടായിരുന്നില്ല. ആ തെറ്റ് ഞാൻ ഇപ്പോൾ തിരുത്തികൊണ്ടിരിക്കുകയാണ്. 

Pain to Courage

ഞാൻ എന്നെ കുറിച്ച് തന്നെ ആലോചിക്കുവായിരുന്നു. ഒരു 20 വര്ഷം മുൻപത്തെ എന്നെ...ഒരു 15 വര്ഷം മുൻപത്തെ എന്നെ.. 10 വര്ഷം മുന്നേ... 5 വര്ഷം മുന്നേ.. കഴിഞ്ഞ വര്ഷം. ഓരോ വര്ഷം കഴിയുബോഴും പുതിയ പുതിയ തിരിച്ചറിവുകൾ ഉണ്ടാകുന്നു. ശാരീരികമായ മാറ്റങ്ങളെ കൂടാതെ മാനസികമായും ഒരുപാട് മാറ്റങ്ങൾ.

ഞാൻ നേരിട്ട നല്ലതും മോശവും ആയ അനുഭവങ്ങൾ, എന്റെ ജീവിതത്തിൽ വന്നു പോയിട്ടുള്ളതും ഇപ്പോഴും ഉള്ളതുമായിട്ടുള്ള  മനുഷ്യർ, അവരുമായുള്ള സംഭാഷണങ്ങൾ, അധികം ഒന്നുമില്ലെങ്കിലും ഞാൻ കണ്ടിട്ടുള്ള സിനിമകൾ, വായിച്ച പുസ്തകങ്ങൾ... അങ്ങനെ എല്ലാ ദിവസവും ഞാൻ ഫേസ് ചെയ്യുന്ന എല്ലാം എന്നെ മോൾഡ് ചെയ്യുകയായിരുന്നു. ആ മാറ്റങ്ങളെ ഞാൻ സ്വീകരിച്ചു പോന്നു. അതൊന്നും മനഃപൂർവം ആയിരുന്നില്ല. നാച്ചുറൽ ആയി സംഭവിച്ചു പോന്നതാണ്.

മനസിന് ബാക്ക് ടു ബാക്ക് അടി കിട്ടിക്കൊണ്ടിരുന്ന സമയങ്ങൾ.. ആരോടും ഒന്നും മിണ്ടാൻ പോലും പറ്റാത്ത സമയങ്ങൾ.. അടക്കി പിടിച്ച ഇമോഷൻസ് എല്ലാം ദേഷ്യമായും കരച്ചിലായും വാശി ആയും ഒക്കെ പുറത്തു വന്നു. ആർക്കും ഒന്നും മനസിലായില്ല. Except me! ചേർത്തു പിടിച്ചു പുറത്തൊന്ന് തട്ടി ഇതൊക്കെ എന്ത് എന്നു പറയുമെന്ന് കരുതിയവർ നീയൊന്നും ജീവിച്ചിരുന്നിട്ട് ഒരു കാര്യവും ഇല്ല എന്ന് പറയുന്നത് കേൾക്കേണ്ടി വരുന്ന അവസ്ഥ. ഞാൻ എന്നോട് തന്നെ വീണ്ടും വീണ്ടും ചോദിച്ചു. Why me? ഇപ്പോഴും ഉത്തരം ഒന്നും കിട്ടിയിട്ടില്ല.

ഇതിന്റെ ഒക്കെ ഇടയിലെ കോമഡി അതല്ല. വെറുതെ എന്റെ കാര്യം നോക്കിയിരിക്കുന്ന എന്നെ, ഒരു പരിചയവും ഇല്ലാത്ത..ഇതിനു മുൻപ് കണ്ടിട്ട് പോലും ഇല്ലാത്ത ആളുകൾ വെറുതെ വന്നു ചൊറിഞ്ഞിട്ട് പോയിട്ടുണ്ട്. ഒരു കാര്യവും ഇല്ലാതെ. അതെ.. ഒരു കാര്യവും ഇല്ലാതെ. പിന്നെ ഉപദേശം എന്ന പേരിൽ നല്ല A ക്ലാസ് ചെറ്റവർത്തമാനം പറഞ്ഞു വന്നവർ ഉണ്ട്. പറഞ്ഞു തുടങ്ങിയാൽ തീരില്ല. അത് കൊണ്ട് വേണ്ടാ.

പക്ഷേ എന്തായാലും ഇപ്പൊ, കുറേ വര്ഷം മുൻപത്തെ എന്നെ വെച്ച് നോക്കുമ്പോൾ ഞാൻ ഇപ്പോ ഒരുപാട് ഭേദം ആണ്. ഒരു സിറ്റുവേഷൻ വന്നാൽ എന്ത് ചെയ്യുമെന്ന് അറിയാതെ അന്ധാളിച്ചു നിന്നിരുന്ന എന്നിൽ നിന്നും എന്ത് വന്നാലും വന്നില്ലെങ്കിലും മുന്നോട്ട് തന്നെ എന്ന് കരുതുന്ന എന്നിലേക്ക് ഒരുപാട് ദൂരം സഞ്ചരിച്ചു വന്നിരിക്കുന്നു. ഞാൻ ആ മാറ്റത്തെ വളരെ പോസിറ്റീവ് ആയി ആണ്  കാണുന്നത്. ഭൂമിയുടെ ഏത് കോണിൽ കൊണ്ടോയി ഇട്ടാലും..എങ്ങനെയെങ്കിലും സർവൈവ് ചെയ്യും എന്ന കോൺഫിഡൻസ് എനിക്കിപ്പോൾ ഉണ്ട്.

ഇപ്പോഴും അവിടുന്നും ഇവിടുന്നും ഒക്കെ ഇടക്കിടെ കുത്തുവാക്കുകൾ കേൾക്കാറുണ്ട്. അതിന് കുറവൊന്നും ഇല്ല. ആളുകളും സബ്‌ജക്റ്റും ഓരോ കാലത്തിനനുസരിച്ചു  മാറികൊണ്ടിരിക്കുന്നു എന്ന് മാത്രം. മിണ്ടാതിരിക്കുന്നത് തിരിച്ചു മിണ്ടാൻ അറിയാൻ മേലാഞ്ഞിട്ട് അല്ലാ. വേണ്ടാന്ന് വെച്ചിട്ടാണ്. പക്ഷേ എന്നിട്ട്  പിന്നെയും പിന്നെയും ചൊറിയാൻ വരുവാണേൽ പ്രതികരിക്കും. ഉറപ്പാ!! 100 %. ജീവിതകാലം മുഴുവനും ഇമ്മാതിരി ചെറ്റവർത്തമാനം കേട്ടോണ്ടിരിക്കണം എന്ന് എനിക്ക് ഒരു നേർച്ചയും ഇല്ല. എല്ലാരേയും  ബോധ്യപ്പെടുത്തികൊണ്ട്  ജീവിക്കാനും എനിക്ക് ഉദ്ദേശമില്ല. Ultimately, എനിക്കെന്റെ സന്തോഷവും സമാധാനവും എന്റെ ജീവിതവും ആണ് വലുത്.

Courage is a feeling that makes you feel a feeling, feeling like you can do anything. ~ Wikipedia

ഏതു ഫോട്ടോ ആണെങ്കിലും കുറച്ചധികം വര്ഷം കഴിഞ്ഞു വീണ്ടും കാണുമ്പോൾ ആണ് നമുക്ക് ആ ഫോട്ടോയുടെ ഫീൽ ആൻഡ് ഇമ്പോർട്ടൻസ് ശെരിക്കും എക്സ്പീരിയൻസ് ചെയ്യാൻ പറ്റുള്ളൂ. അതേപോലെ ഒരു ഫോട്ടോ ആണിത്. അച്ഛനും ഞാനും!!

എന്റെ ലൈഫിൽ ഞാൻ കണ്ടുമുട്ടിയിട്ടുള്ള വ്യക്തികളിൽ ഏറ്റവും നല്ല ഒരു മനുഷ്യൻ - എന്റെ അച്ഛൻ!! ഇനിയൊരു 10000 പേരെ കണ്ടാലും ആ സ്ഥാനം ആർക്കും റീപ്ലേസ് ചെയ്യാൻ പറ്റില്ല. ഇന്ന് ഞാൻ ഏറ്റവും മിസ്സ് ചെയ്യുന്നതും അച്ഛനെ ആണ്. എല്ലാവർക്കും നല്ലത് മാത്രം ഉണ്ടാവണം എന്ന് ആഗ്രഹിച്ച ഒരാൾ. അച്ഛൻ ഒരാളോടും കടുപ്പിച്ചു വർത്തമാനം പറയുന്ന ഞാൻ കണ്ടിട്ടില്ല. ഒരാളേം വെറുപ്പിച്ചിട്ടില്ല. എല്ലാ ആളുകൾക്കും സ്നേഹം തോന്നുന്ന കഥാപാത്രം. അതെന്തു മാജിക് ആണെന്ന് എനിക്ക് ഇതുവരെ മനസിലായിട്ടില്ല.. എന്തോ ആളുകൾക്ക് ഇഷ്ടമാണ് അച്ഛനെ. കാര്യം എന്നെ വഴക്കൊക്കെ പറഞ്ഞിട്ടുണ്ടെങ്കിലും അത് എന്റെ കയ്യിലിരിപ്പ് കൊണ്ട് തന്നെയായതു കൊണ്ട് അതൊന്നും എനിക്ക് ഒരു വിഷയമേ അല്ല.

ദില്ലിമോന്റെ പ്രൊപ്പോസൽ വന്നപ്പോൾ ഞാൻ ഇത് വീട്ടുകാരോട് എങ്ങനെ പറയും എന്ന് ആലോചിച്ചു ആലോചിച്ചു..അവസാനം ഒരു ദിവസം അച്ഛനും ഞാനും മാത്രമായി കാറിൽ ഇരുന്നപ്പോൾ രണ്ടും കല്പിച്ചു പറഞ്ഞു.

"അതേയ്, എനിക്കൊരു പ്രൊപ്പോസൽ വന്നു!"

ഉടനെ തന്നെ റെസ്പോൺസും കിട്ടി. അച്ഛൻ ഉറക്കെ ചിരിച്ചു.

അച്ഛന്റെ ഒരു സ്പെഷ്യൽ ടോണിൽ "വെരി ഗുഡ്" എന്ന് പറഞ്ഞു.

"ബാംഗ്ലൂരിൽ ഓട്ടോമേഷൻ എഞ്ചിനീയർ ആണ്. തൃശൂർ കൊരട്ടിയിൽ ആണ് വീട്. " ഞാൻ ഫോട്ടോ കാണിച്ചു കൊടുത്തു.

ഞങ്ങൾ ചുമ്മാ കുറെ നേരം ചിരിച്ചു.

"സന്തോഷമായി" എന്ന് അച്ഛൻ പറഞ്ഞു. പ്രശ്നം ആകുമൊന്ന് വിചാരിച്ച ഞാൻ.. ങേ..ഇതെന്താ വഴക്കു പറയാത്തെ എന്നായിപോയി.

അച്ഛൻ ആണ് വീട്ടിലെ ബാക്കി ഉള്ളവരോട് പറഞ്ഞേ. അമ്മയും മൂത്ത ചേട്ടനും കട്ടകലിപ്പായിരുന്നു. അച്ഛൻ ആണ് അവരെ പറഞ്ഞു കൺവിൻസ് ചെയ്യിപ്പിച്ചത്. ഒരു പക്ഷേ, ഞങ്ങളുടെ കല്യാണം നടക്കണം എന്ന് എന്നെക്കാൾ കൂടുതൽ ആഗ്രഹിച്ചത് അച്ഛൻ ആയിരിക്കും. വാട്ട് എ ഹ്യൂമൻ ബീയിങ്!! എ ട്രൂ ജന്റിൽമാൻ.

അച്ഛന്റെ കൂടെയുണ്ടായിരുന്ന ഓരോ മെമ്മറീസും എനിക്ക് സ്പെഷ്യൽ ആണ്. എന്നെ സ്കൂളിൽ വിടാൻ റെഡിയാക്കുന്നത് മുതൽ.. എനിക്ക് ചോറ് വാരി തരുന്നത് മുതൽ.. എനിക്ക് വേണ്ടി അച്ഛൻ മിക്കപ്പോഴും വാങ്ങി തരുന്ന പലഹാരങ്ങൾ മുതൽ...അച്ഛന് സോഫയിൽ ഇരുന്നു പത്രം വായിക്കുമ്പോൾ മടിയിൽ തല വെച്ച് കിടക്കുന്നത് മുതൽ.. അച്ഛന്റെ തന്നെ ഓരോ അനുഭവങ്ങൾ കഥ പോലെ പറഞ്ഞു തന്നത് മുതൽ.. അച്ഛന്റെ കൂടെ നടത്തിയിട്ടുള്ള ഒരുപാട് കുഞ്ഞു കുഞ്ഞു കാർ യാത്രകൾ മുതൽ... അങ്ങനെ ഒരുപാട് ഒരുപാട് മെമ്മറീസ്.

ഞാൻ എന്തെങ്കിലും വിഷമം പറയുമ്പോൾ അച്ഛൻ പുറത്തു തട്ടി പറയും, "സാരമില്ലെടാ കുട്ടാ..!". അന്നേരം നമുക്ക് കിട്ടുന്ന ആ പോസറ്റീവ് എനർജി ആണ് എന്നെ സ്ട്രോങ്ങ് ആക്കുന്നത്. ഇപ്പോഴും മനസ്സ് വിഷമിച്ചിരിക്കുമ്പോൾ അച്ഛൻ അങ്ങനെ പറയുന്നതായി ഓർക്കും. വല്ലാത്തൊരു സ്ട്രെങ്ത് ആണ് അപ്പോൾ.

അച്ഛനോട് ഒരുപാട് ഒരുപാട് ഇഷ്ടം!! <3 <3


"കളേഴ്സ്  ഓഫ് ലൈഫ് " എന്ന ഫേസ്ബുക്ക് ഗ്രൂപ്പിൽ  പോസ്റ്റ് ചെയ്തത്  - 4  മാർച്ച്  2019    

തെറി പറയാതെ അഭിപ്രായം പറയാനും പ്രതികരിക്കാനും ഒരാള്‍ക്ക് സാധിക്കില്ലേ?

അഭിപ്രായ സ്വാതന്ത്ര്യം എല്ലാവര്‍ക്കും ഉള്ളതെന്ന് തിരിച്ചറിയുന്നതിനോടൊപ്പം മാന്യമായ ഭാഷ നമ്മുടെ നിലവാരം കൂടി അടയാളപെടുത്തും എന്നോര്‍ത്താല്‍ നല്ലത്.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 19 December 2017 

എപ്പോള്‍ നിന്നില്‍ പക ജന്മമെടുക്കുന്നുവോ, അപ്പോള്‍ നിന്‍റെ നാശവും ജന്മമെടുക്കുന്നു.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 11 July 2017  

നമ്മള്‍, നമ്മളറിയാതെ നമുക്ക് ചുറ്റും ഒരു അതിര്‍വരമ്പ് തീര്‍ത്തിട്ടുണ്ട്. എത്ര അടുപ്പമുള്ള ആള്‍ ആണെങ്കില്‍ പോലും അത് മറികടക്കാന്‍ നമ്മള്‍ അനുവദിക്കാറില്ല. ഒന്നും മനപൂര്‍വ്വം അല്ല. അതൊരു പേര്‍സണല്‍ സ്പേസ് ആണ്. നമുക്ക് മാത്രം പ്രവേശനമുള്ള പേര്‍സണല്‍ സ്പേസ്. നമ്മുടെ ചിന്തകളെയും ആഗ്രഹങ്ങളെയും ഫാന്റസികളെയും സൂക്ഷിച്ചു വെച്ചിരിക്കുന്ന ഒരു ചെറിയ സ്പേസ്.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 18 June  2017 

എല്ലാം ശരിയായി ശരിയായി നാളെ കേരളം തന്നെ ഉണ്ടാവുമൊന്നാണ് സംശയം. ആര് അധികാരത്തിൽ വന്നാലും ഇത് തന്നെയാണ് അവസ്ഥ. എന്നാ പിന്നെ എല്ലാ പാർട്ടിയും ഒന്നായി അങ്ങു പ്രഖ്യാപിച്ചാൽ പോരെ?!!

"നീലാംബരി" എന്ന ഫേസ്ബുക്ക് പേജിൽ എഴുതിയത് - 5 April  2017 

രാഷ്ട്രീയ പാർട്ടികൾ ഇന്ന് വെറും മുതലെടുപ്പ് സംഘടനകളാണ്. അവർ എന്തും മുതലെടുക്കും... മരണം പോലും.. ഇവിടെ എപ്പോഴും നഷ്ടം സാധാരണക്കാരനാണ്...

"നീലാംബരി" എന്ന ഫേസ്ബുക്ക് പേജിൽ എഴുതിയത് - 5 April  2017  

ജീവിതം മുന്നോട്ട് പോകുന്നത് നമ്മുടെ പ്രിയോറിറ്റിസ് അനുസരിച്ചാണ്. If your priority is to lead a happier life, you will be leading a happier one. If your priority is to shed tears thinking how miserable your life is, your life might be a miserable one. In most of the cases, people don't realise this. Even if they do, the events happen involuntarily and they are not able to control it. It is all about the thoughts and subconsciousness.


"നീലാംബരി" എന്ന ഫേസ്ബുക്ക് പേജിൽ എഴുതിയത് - 30  March  2017  

നിലക്കാത്ത ചോദ്യങ്ങൾ

രാവിലെ ഒരു പത്തേകാൽ . വീട്ടിൽ മറ്റാരുമില്ല. കോളിങ് ബെൽ അടിച്ചു . പുറകെ ഡോറിൽ രണ്ടു മുട്ടും കേട്ടു . ഈ സമയത്തു ഇതാരാണ് ? ഭർത്താവ് അല്പം മുൻപ് ഓഫീസിലേക്ക് ഇറങ്ങിയതെ ഉള്ളു. ഇനി ഓഫീസ് ഇല്ലേ ? എന്തെങ്കിലും എടുക്കാൻ മറന്നുവോ ? അതോ ഇനി ഫ്ളാറ്റിലെ കെയർ ടേക്കർരുടെ കുട്ടിയാണോ? ആ കുട്ടി ഇടക്ക് ഇലെക്ട്രിസിറ്റി ബില്ല് തരാനും മറ്റും വരാറുണ്ട്. അടുത്ത ഫ്ളാറ്റുകളിലെ ആരെയും പരിചയമില്ല. ഒന്ന് രണ്ടു പേരെ കണ്ടിട്ടുണ്ടെങ്കിലും, എല്ലാരും അവരവരുടെ കാര്യങ്ങളിൽ മാത്രം ശ്രദ്ധിച്ചു വന്നു.

അങ്ങനെ ഒരു നൂറു ചോദ്യങ്ങളുമായി ഞാൻ വാതിൽ കുറച്ചു തുറന്നു. ഞാൻ വാതിൽ തുറക്കുന്നത് കണ്ട് മുകളിലെ നിലയിലേക്കു പോകാൻ തുടങ്ങിയ ആൾ തിരിച്ചു വന്നു . ചെറിയൊരു ചിരി അയാളുടെ മുഖത്ത് ഉണ്ടായിരുന്നു. എന്റെ മനസ്സിൽ ആകെ സംശയവും ടെൻഷനും. നല്ല മെലിഞ്ഞിട്ട്, അല്പം മുഷിഞ്ഞ വേഷം ധരിച്ച, ഒരു 27-28 പ്രായം തോന്നുന്ന ആൾ. അയാൾ എന്റെ നേരെ ഒരു പേപ്പർ നീട്ടി .

വാതിലിന്റെ പിന്നിൽ നിന്ന് തന്നെ അയാളോട് എന്താണെന്ന് ചോദിച്ചു. അയാൾ ഒന്നും മിണ്ടിയില്ല . നമ്മുടെ നാട്ടിൽ നടക്കുന്ന കൊള്ളരുതായ്മകൾ തന്ന ഭീതിയോടെ ഞാൻ ആ പേപ്പർ വായിക്കാൻ ശ്രമിച്ചു. എനിക്ക് ശ്രദ്ധ കിട്ടിയില്ല . ഒരു കൈ ഞാൻ വാതിലിന്റെ ലോക്കിൽ തന്നെ പിടിച്ചു.

പേപ്പർ ഓടിച്ചു വായിച്ചപ്പോൾ മനസ്സിലായത് എന്തെന്നാൽ, ഒരാൾക്ക് ചെവി കേൾക്കാനോ സംസാരിക്കാനോ സാധിക്കില്ല . ആ വ്യക്തിയുടെ സഹോദരന് പഠന ആവശ്യത്തിനായി 17500 രൂപയുടെ ആവശ്യമുണ്ട്. സഹായം ചോദിച്ചു വന്നതാണ്. പേപ്പറിൽ പ്രിൻസിപ്പാളിന്റെ സീലും ഒപ്പും ഉണ്ട് . മറ്റൊരു പേപ്പറിൽ പൈസ കൊടുത്ത ആളുകളുടെ പേരും എമൗണ്ടും .

ഞാൻ അയാളോട് നില്ക്കാൻ ആവശ്യപ്പെട്ടു. പേപ്പറിൽ പറഞ്ഞിരിക്കുന്നത് മുഴുവൻ ശ്രദ്ധയോടെ വായിക്കുവാനോ അതെല്ലാം ശരിയാണോ എന്ന് ആലോചിക്കാൻ സാധിക്കുന്നില്ല. വാതിൽ കുറ്റിയിട്ട് പൈസ ഉണ്ടോയെന്ന് തപ്പി . വീട്ടിൽ ആകെ ഇരിക്കുന്നത് ഒരു നൂറു രൂപയുടെ നോട്ട് ആണ്. ആ ലിസ്റ്റിൽ 500 രൂപ ഒക്കെ കൊടുത്തിരിക്കുന്നവരുടെ പേരുകൾ കണ്ടു . വേഗം ആളെ പറഞ്ഞു വിടണം എന്ന് മാത്രമേ അപ്പോൾ തോന്നിയുള്ളൂ. ഒന്നുമില്ലെന്ന് പറയാൻ തോന്നിയും ഇല്ല . ഉണ്ടായിരുന്ന 100 രൂപ എടുത്തു കൊണ്ട് വന്നു വാതിൽ തുറന്നു അയാൾക്ക് കൊടുത്തു. അപ്പോഴും ഞാൻ വാതിലിനു പിന്നിൽ ലോക്കിൽ കൈ വെച്ച് നിൽക്കുകയായിരുന്നു . അയാൾ എന്റെ മുഖം കാണും വിധം നീങ്ങി നിന്നിട്ട് ഒരു പുഞ്ചിരിയോടെ നന്ദി പറഞ്ഞു പോയി. ഞാൻ ശരിയെന്നു തലയാട്ടി വേഗം വാതിലടച്ചു .

ചെറിയൊരു ടെൻഷനോടെ അല്ലാതെ ഒരു രണ്ടു മൂന്ന് മിനിറ്റ് കൊണ്ട് നടന്ന സംഭവം ഓർക്കാൻ പറ്റുന്നില്ല . അയാൾ തന്ന പേപ്പറിൽ പറഞ്ഞിരിക്കുന്നത് സത്യമാണെങ്കിൽ ഞാൻ അയാളെ സംശയത്തോടെ കണ്ടത് അയാൾക്ക് മാനസീകമായി ബുദ്ധിമുട്ടു ഉണ്ടാക്കിയിട്ടുണ്ടാകും . ഞാൻ ചെയ്തത് തെറ്റാകും.

എന്നാൽ ദിനംപ്രതി മാധ്യമങ്ങളിൽ നിറയുന്ന വാർത്തകൾ കേൾക്കുന്ന ഒരു സാധാരണവ്യക്തി എന്ന നിലയിൽ ഇങ്ങനെ അല്ലാതെ പെരുമാറാനും കഴിയുന്നില്ല. ഒരു പക്ഷെ , ആ പേപ്പറിൽ പറഞ്ഞിരിക്കുന്നത് വ്യാജമാണെങ്കിൽ ? പൈസ തട്ടിയെടുക്കുക അല്ലെങ്കിൽ ഉപദ്രവിക്കുക ആണ് അയാളുടെ ഉദ്ദേശമെങ്കിൽ ? അങ്ങനെയെങ്കിൽ ഈ ഒരു സംശയത്തെ കുറ്റപ്പെടുത്താൻ കഴിയില്ല ..

എന്താണ് ശരി അല്ലെങ്കിൽ എന്താണ് തെറ്റ് എന്ന് തിരിച്ചറിയാൻ പറ്റാത്ത ഒരു കാലഘട്ടത്തിൽ ആണ് നമ്മൾ. പരിചയമുള്ളതും ഇല്ലാത്തതുമായ നാടുകൾ. പരിചയമുള്ളതും ഇല്ലാത്തതുമായ ആളുകൾ. ആരെ വിശ്വസിക്കണം. ആരെ വിശ്വസിക്കരുത് . ഉത്തരങ്ങൾ ഇല്ലാത്ത അനേകം സംശയങ്ങളുമായി ഭീതിയോടെ ജീവിക്കേണ്ടി വരുന്ന അവസ്ഥ! ദുരവസ്ഥ!

ഇങ്ങനെയൊരു അവസ്ഥക്ക് കാരണക്കാർ ആരാണ് ? ഞാനോ ? നീയോ ? അതോ എല്ലാവരുമോ ? ചോദ്യങ്ങൾ ഒരിക്കലും തീരുന്നില്ല!!!



"നീലാംബരി" എന്ന ഫേസ്ബുക്ക് പേജിൽ എഴുതിയത് - 13  March  2017  

മനുഷ്യൻ മനുഷ്യനെ തന്നെ വേട്ടയാടുന്ന ലോകം, മനുഷ്യത്ത്വമില്ലാത്ത ലോകം!

"നീലാംബരി" എന്ന ഫേസ്ബുക്ക് പേജിൽ എഴുതിയത് - 9  March  2017  

എന്നോടൊളിക്കുന്ന നിന്റെ വിഷമങ്ങൾ പറയാതറിയാൻ കഴിയുന്നില്ലെന്നതാണെൻ, പരാജയം.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 21 January  2017 

"Good Touch and Bad Touch" അഥവാ "നല്ല സ്പര്‍ശനവും മോശം സ്പര്‍ശനവും"

കുട്ടികളോടുള്ള അതിക്രമങ്ങള്‍ ദിനംപ്രതി വാര്‍ത്തയാകുന്ന ഈ കാലത്ത്, ഇത് പോലൊരു വിഷയം ഏറെ പ്രാധാന്യം അര്‍ഹിക്കുന്നുവെന്നൊരു തോന്നല്‍ ആണ് എന്നെ ഇതെഴുതാന്‍ പ്രേരിപ്പിച്ചത്. കൂടുതല്‍ വിശദാംശങ്ങളിലേക്ക് കടക്കും മുന്‍പേ എനിക്ക് ചെറുപ്പത്തില്‍ നേരിട്ട ഒരു അനുഭവം പറയാം.

പത്ത് പന്ത്രണ്ടു കൊല്ലം മുന്‍പാണ്. കൌമാരത്തിന്‍റെ തുടക്കം. എല്ലാവരുടേയും പോലെ മനസിനും ശരീരത്തിനും മാറ്റങ്ങള്‍ സംഭവിച്ചു തുടങ്ങുന്ന സമയം. ഒരു ദിവസം ക്ലാസ്സില്‍ വെച്ച് അധ്യാപകനോട് എന്തോ കാര്യം ചോദിക്കാനായി അവരുടെ അടുത്തേക്ക് പോയി. അവര്‍ സംസാരിച്ചു തുടങ്ങിയപ്പോള്‍ അവര്‍ അറിയാത്ത മട്ടില്‍ കൈ എന്‍റെ നെഞ്ചിനടുത്ത് തട്ടി. പെട്ടെന്ന് ഞാന്‍ പുറകോട്ടു നീങ്ങി. റിഫ്ലെക്സ്‌! എനിക്ക് വല്ലാത്തൊരു ബുദ്ധിമുട്ട് തോന്നി. ഈ വ്യക്തി അത് അറിഞ്ഞതായി ഭാവിക്കുക പോലും ചെയ്തില്ല. സംസാരിക്കുന്നതിന്‍റെ ഇടയില്‍ അറിയാതെ കൈയെടുത്തപ്പോള്‍ സംഭവിച്ചതാകും എന്ന് ഞാന്‍ കരുതി. ഇത് സംഭവിക്കുന്നത്‌ ഒരു മാത്ര നേരത്തേക്കും നാല്‍പതിനു അടുത്ത് കുട്ടികള്‍ ഉള്ള ക്ലാസിനു മുന്‍പിലും ആണ്. മാറ്റാരും ഇത് ശ്രദ്ധിച്ചിട്ടുണ്ടാകില്ലെന്ന് കരുതുന്നു. ഇനി കണ്ടിട്ടും കണ്ടില്ലെന്നു നടിച്ചതാണോ അതോ അറിവില്ലായ്മ ആയിരുന്നോ എന്നും അറിഞ്ഞുകൂടാ. മറ്റ് കുട്ടികള്‍ക്കും ഇത്തരത്തില്‍ അനുഭവം ഉണ്ടായെന്ന്  അറിയുന്നതിന് മുന്‍പ് വരെ ഞാന്‍ ശരിക്കും കരുതിയിരുന്നത്, ഇത് അവര്‍ക്ക് അറിയാതെ സംഭവിച്ചത് ആയിരിക്കും എന്നാണു. കുട്ടികളായിരുന്ന ഞങ്ങള്‍ക്ക് , അന്ന് ഇത് മുതിര്‍ന്ന ആരോടെങ്കിലും പറയണം എന്നുണ്ടായിരുന്നെങ്കിലും അതിനുള്ള ധൈര്യം ഇല്ലായിരുന്നു. ഞങ്ങളുടെ അറിവില്ലായ്മയും, വഴക്ക് കിട്ടുമോ എന്നും കൂടുതല്‍ ഉപദ്രവങ്ങള്‍ ഉണ്ടാകുമോ എന്നും, എങ്ങനെ എന്തൊക്കെയോ ഭയം ആയിരുന്നു. പോരാത്തതിന് ഞങ്ങള്‍ക്ക് വിശ്വസിച്ചു പറയുവാന്‍ ആരും തന്നെ ഉണ്ടായിരുന്നില്ല. പറഞ്ഞാല്‍ തന്നെ അവര്‍ അത് എങ്ങനെ എടുക്കും എന്നൊരു ആകുലത. ആ വര്‍ഷം തന്നെ അയാള്‍ സ്കൂളില്‍ നിന്ന് മാറി പോയത് കൊണ്ട് ഈ കാര്യം പിന്നീടു പുറത്തു വന്നതും ഇല്ല.

പറഞ്ഞു വന്നത് എന്താണെന്ന് വെച്ചാല്‍, അന്ന് ഞങ്ങള്‍ക്ക് ലൈംഗികതയെ പറ്റിയും ചൂഷണങ്ങളെ തിരിച്ചറിയുന്നതിനെ പറ്റിയും പറഞ്ഞു തരുവാന്‍ ആരും ഉണ്ടായിരുന്നില്ല. സ്കൂളില്‍ പ്യുബെര്‍ട്ടിയെ പറ്റി ക്ലാസുകള്‍ നടന്നിട്ടുണ്ടെങ്കിലും, അത് നമ്മളെ തന്നെ മനസിലാക്കാന്‍ ഒരു പരിധി വരെ സഹായകരമായിരുന്നെങ്കില്‍ പോലും, അതെല്ലാം നല്ലതും ചീത്തയും തിരിച്ചറിയാന്‍ മാത്രം ബലവത്തായിരുന്നെന്നു കരുതാന്‍ കഴിയുന്നില്ല. (ഇന്ന് സ്കൂളുകളില്‍ അന്നത്തെക്കാളും മികച്ച ബോധവത്കരണം നടക്കുന്നുണ്ടാകുമായിരിക്കും എന്ന് കരുതുന്നു.)

ഞാനിപ്പോള്‍ പറഞ്ഞത് പോലുള്ളതോ അതിലും മോശപെട്ടതോ ആയ അനുഭവങ്ങള്‍ പലരില്‍ നിന്നും, വീട്ടില്‍ നിന്നോ സ്കൂളില്‍ നിന്നോ മറ്റു പലരില്‍ നിന്നോ പലപ്പോഴായി അനുഭവിക്കേണ്ടി വന്നിട്ടുള്ള ഒത്തിരി പേര്‍ നമ്മുടെ ഇടയില്‍ തന്നെ ഉണ്ടാകും. ഒരു പക്ഷേ, ഇത് വായിക്കുമ്പോള്‍ നിങ്ങള്‍ക്കും അത്തരത്തിലുള്ള ഒരു ദുരനുഭവം ഓര്‍മ്മ വന്നേക്കാം. ആണെന്നോ പെണ്ണെന്നോ വ്യത്യാസമില്ലാതെ എല്ലാ 'sexual orientation'ഇലും പെടുന്ന ആളുകള്‍ക്കും ഇത് നേരിടേണ്ടി വരുന്നുണ്ട്. അവിടെ പ്രായത്തിനും പ്രസക്തി ഇല്ലാതാകുന്നു. വളരെ ചുരുക്കം സംഭവങ്ങള്‍ മാത്രമേ ശ്രദ്ധയില്‍ പെടുന്നുള്ളു. കുട്ടികളുടെ അറിവില്ലായ്മയും ഉപദ്രവിക്കുന്നവരുടെ ഭീഷണിപ്പെടുത്തലുകള്‍ കൊണ്ടുള്ള ഭയമോ, അങ്ങനെ പലകാരണങ്ങള്‍ കൊണ്ട് അവര്‍ ഇത് പുറത്തു പറയാന്‍ മടിക്കുന്നു.

ഇത്തരം അവസ്ഥകള്‍ ഇനിയൊരു കുട്ടിക്കും ഉണ്ടാകാതിരിക്കാന്‍ നമ്മള്‍ എല്ലാവരും ഒരുമിച്ചു മുന്‍കൈ എടുക്കേണ്ടതുണ്ട്. കുട്ടികളോട് ലൈംഗികതയെ പറ്റി സംസാരിക്കാന്‍ കൌമാരം വരെ കാത്തിരിക്കേണ്ട കാര്യമില്ലെന്നാണ് ഞാന്‍ കരുതുന്നത്. ഒരു വയസ്സ് പോലും പ്രായമാകാത്ത കുഞ്ഞുങ്ങള്‍ പോലും ക്രൂരത അനുഭവിക്കേണ്ടി വരുന്നത് നമ്മള്‍ വാര്‍ത്തകളില്‍ കാണുന്നില്ലേ?

പ്രായത്തിനു ചേര്‍ന്ന രീതിയില്‍, അവര്‍ക്ക് മനസ്സിലാകാന്‍ കഴിയുന്നത്‌ പോലെ ചെറുപ്പത്തിലെ തന്നെ നല്ല സ്പര്‍ശനവും മോശം സ്പര്‍ശനവും എന്തെന്ന് പറഞ്ഞു കൊടുക്കുക. ഇത് മാതാപിതാക്കളും അധ്യാപകരും മാത്രമല്ല കുട്ടികളെ സ്നേഹിക്കുന്ന, അവര്‍ക്ക് നല്ലത് വരണമെന്ന് ആഗ്രഹിക്കുന്ന എല്ലാവരും ചെയ്യേണ്ട ഒരു കാര്യമാണ്.

ബുദ്ധിമുട്ടുണ്ടാകുന്ന തരത്തില്‍ ആരെങ്കിലും കുട്ടിയോട് പെരുമാറിയാല്‍ അത് തുറന്നു പറയണമെന്നും അവരുടെ സഹായത്തിനായി തങ്ങള്‍ എപ്പോഴും കൂടെയുണ്ടാകുമെന്നും പറഞ്ഞു മനസിലാക്കിക്കുക. ആരോഗ്യകരമായ ഒരു സൗഹൃദം നിലനിര്‍ത്താന്‍ ശ്രദ്ധിക്കുക. അവരോടു സംസാരിക്കുമ്പോള്‍ സമൂഹത്തിനെ പറ്റി പേടിയല്ല, മറിച്ച് നല്ലതും ചീത്തയുമായ കാര്യങ്ങളെ പറ്റി പറഞ്ഞുകൊടുത്തുകൊണ്ട് തന്നെ, എന്തിനേയും നേരിടാന്‍ ഉള്ള ധൈര്യമാണ് ഉണ്ടാക്കേണ്ടത്. എന്നാല്‍, ഞങ്ങള്‍ കുട്ടികള്‍ക്ക് അന്നുണ്ടായത് പോലുള്ള ഭയം, ആകുലത ഒക്കെ ഒഴിവാക്കാം. അത് പോലെ തന്നെ ആരോടും മോശപ്പെട്ട രീതിയില്‍ പെരുമാറരുതെന്നും പറഞ്ഞു കൊടുക്കണം. ഇതും വളരെ പ്രധാനപ്പെട്ട ഒരു കാര്യമാണ്. അവരില്‍ നിന്നും സമൂഹത്തിനു ഉപദ്രവങ്ങള്‍ ഉണ്ടാകാതെ ശ്രദ്ധിക്കേണ്ടതും നമ്മള്‍ തന്നെ. അല്ലെ?

ഇങ്ങനെ ചെറുപ്പത്തിലെ പകര്‍ന്നു കൊടുക്കുന്ന നല്ല അറിവുകള്‍, ശരിയായ രീതിയില്‍ ആണെങ്കില്‍, അവര്‍ വളര്‍ന്നു വരുമ്പോഴും അത് അവര്‍ക്ക് ഗുണം മാത്രമേ ചെയ്യു. ഇത് നല്ലൊരു തലമുറയെ സൃഷ്ടിക്കാന്‍ സഹായിക്കും.

ഗൌരവമേറിയ കാര്യങ്ങള്‍ എങ്ങനെ കുട്ടികളോട് ആശയവിനിമയം നടത്തും എന്ന് സംശയിക്കുന്നവര്‍ക്കായി യൂടുബില്‍ കണ്ട ചില വീഡിയോ ലിങ്കുകള്‍ ചുവടെ ചേര്‍ക്കുന്നു.

1) "Keep our Children SAFE ! Learn the difference between Good Touch and Bad Touch:
A wonderful video by Dr Bhooshan of childpsychiatrypune.com on what is Bad Touch, What to do and whom to go to. Do discuss this with your child and keep them safe !"
https://www.youtube.com/watch?v=NLkheb5wxmE

2) Teaching our kids about good touch and bad touch
We feel it is vitally important in this day and age to teach our children about appropriate touch. This type of education will help protect and defend them against predators that are out there. The video is of Mom and Dad attempting to instruct the kids about who can touch them and where people can touch them.

https://www.youtube.com/watch?v=22lNTxO8qpQ

3) CSA English (Good Touch Bad Touch)
https://www.youtube.com/watch?v=wEuPGKKsrtk

ഇത്പോലെ പല രീതികളിലൂടെ കുട്ടികളെ ബോധാവല്‍കരിച്ചിട്ടുള്ളവര്‍ ആണ് നിങ്ങള്‍ എങ്കില്‍, അതെങ്ങനെയെന്ന്‍ ദയവായി മറ്റുള്ളവര്‍ക്കും പറഞ്ഞു കൊടുക്കുക.

ഈ ലേഖനം, അധ്യാപകവൃന്ദത്തെ ഒന്നാകെ അപമാനിക്കാന്‍ ഉദ്യേശിച്ചിട്ടുള്ളതല്ലെന്നും ഏതൊരു മേഘലയിലും കാണപ്പെടാവുന്ന ആണും പെണ്ണും ഉള്‍പ്പെടുന്ന സാമൂഹ്യവിരുദ്ധര്‍, കുട്ടികളെ ചൂഷണം ചെയ്യുന്നതിനെ പറ്റി പറയുവാന്‍ വേണ്ടി മാത്രമാണെന്നും പറഞ്ഞു കൊള്ളട്ടെ. അതിനോടൊപ്പം തന്നെ എല്ലാവരോടും നമ്മുടെ കുട്ടികള്‍ നല്ല വ്യക്തികളായി വളരുവാന്‍ സ്വയം അവര്‍ക്കൊരു ഉദാഹരണമാകണം എന്നും അപേക്ഷിക്കുന്നു.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 29  November 2016 

ചിന്തകള്‍ക്ക് കടിഞ്ഞാണ്‍ ഇടാന്‍ ശ്രമിക്കുംതോറും പുതിയ ചിന്തകള്‍ ജനിക്കുന്നു. അവ പിടിതരാതെ വഴുതി മാറുന്നു. അങ്ങനെ ഒരു നൂറുകോടി ചിന്തകള്‍ ഈ ഒരു നിമിഷം എന്‍റെ മനസിലൂടെ കടന്നു പോകുന്നു.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 28 November 2016 

കഥകള്‍! ചുറ്റും നിറയെ കഥകള്‍! എന്നിട്ടും ഇല്ലാകഥകള്‍ മെനയുവാന്‍ വെമ്പുന്നതെന്തിനീ മനുഷ്യഹൃദയങ്ങള്‍?

"നീലാംബരി" എന്ന ഫേസ്ബുക്ക് പേജിൽ എഴുതിയത് - 27 November 2016 

ദിവസവും വൈകിട്ട് വെറുതെ നാലഞ്ചു പേര്‍ ചേർന്ന്  മുഖത്ത് പരസ്പരം ഛര്‍ദിക്കുന്ന ഒരു നവീനകലാരൂപമാണ്‌ ചാനല്‍ ചര്‍ച്ചകള്‍.

"നീലാംബരി" എന്ന ഫേസ്ബുക്ക് പേജിൽ എഴുതിയത് - 26 November 2016 

മനുഷ്യന്‍ എന്നത് ഭൂമിയിലെ കോടാനുകോടി ജീവജാലങ്ങളില്‍ ഒന്ന് മാത്രമാണെന്നും, ഭൂമി സൗരയുഥത്തിലെ ഒരു ചെറിയ ഗ്രഹമാണെന്നും, സൗരയുഥത്തെ പോലെ ഒരുപാട് സൗരയുഥങ്ങള്‍ അടങ്ങുന്നതാണ് മില്‍ക്കിവേ ഗാലക്സി എന്നും, അങ്ങനെ കുറേ കുറേ ഗാലക്സികള്‍ ഉണ്ടെന്നും, ഇനിയും പ്രപഞ്ചത്തിന്‍റെ വലുപ്പം കണ്ടെത്താന്‍ കഴിഞ്ഞിട്ടില്ലെന്നും ഒക്കെ നമ്മള്‍ പഠിച്ചിട്ടുള്ളതാണ്. മറ്റെല്ലാ ജീവനെയും പോലെ നമ്മള്‍ നശ്വരമാണെന്നും ഇതാണ് ആകെയുള്ള ജന്മം എന്നും നമുക്കറിയാം. പല ജന്മങ്ങള്‍ ഉണ്ടെന്നു വാദങ്ങള്‍ ഉണ്ടെങ്കിലും അതിനു തക്കതായ തെളിവുകള്‍ ഇനിയും കിട്ടിയിട്ടില്ലല്ലോ?

ഇതെല്ലാം വല്ലപ്പോഴെങ്കിലും ഓര്‍ത്താല്‍ തീരാവുന്ന പ്രശ്നങ്ങളെ ഇപ്പോള്‍ നമുക്കുള്ളൂ! സിംപിൾ!


"നീലാംബരി" എന്ന ഫേസ്ബുക്ക് പേജിൽ എഴുതിയത് - 26 November 2016 

ഞാനും... നീയും... ഓരോ മനുഷ്യജന്മവും... രഹസ്യങ്ങളുടെ ഒരു കൂമ്പാരമാണ്. ചില രഹസ്യങ്ങള്‍ കാലക്രമേണ പിടിക്കപ്പെടുന്നു. മറ്റു ചിലത്, മനുഷ്യന്‍റെ മരണത്തോടൊപ്പം പിടിക്കപ്പെടാതെ രക്ഷപെടുന്നു.


"നീലാംബരി" എന്ന ഫേസ്ബുക്ക് പേജിൽ എഴുതിയത് - 26 November 2016

കുറേയധികം നാളുകളായി ഉള്ളില്‍ അടുക്കിപിടിച്ചിരുന്ന ചിന്തകള്‍. അവയൊന്നും പൊടിപിടിച്ചു നശിച്ചുപോകാതിരിക്കാന്‍ ഞാന്‍ ഇന്ന് മുതല്‍ നീലാംബരിയെ കൂട്ട് പിടിക്കുന്നു.


"നീലാംബരി" എന്ന ഫേസ്ബുക്ക് പേജിൽ എഴുതിയത് - 26 November 2016

വളരെ പണ്ടാണ്. ഞാൻ ഒന്നിലോ രണ്ടിലോ ആണ് പഠിക്കുന്നത്. ഒരു ദിവസം സ്കൂളിൽ വെച്ചു ഉച്ചയ്ക്ക് ഞാൻ ചോറുണ്ടിട്ട് കൈ  കഴുകികൊണ്ടിരിക്കുവാണ്. എന്നെക്കാൾ ഒരു വർഷം ജൂനിയറും അവിടുത്തെ മാത്‌സ് ടീച്ചറുടെ മകനും കൂടിയായിരുന്ന പയ്യൻ  എന്റെ അടുത്തേക്ക് ഓടി വന്നിട്ട് നീ എന്തൊരു ബ്ളാക്ക് ആണ്..നിന്റെ വീട്ടിലെ എല്ലാവരും ഇങ്ങനെ ബ്ലാക്ക്‌ ആണൊന്ന് ചോദിച്ച്‌..അയ്യേ എന്നു കളിയാക്കാൻ തുടങ്ങി. ഇവനോട് ഞാൻ മുൻപ് മിണ്ടിയിട്ട് പോലും ഇല്ലെന്നോർക്കണം. വെറുതെ ഒരു പ്രോവൊക്കേഷനും ഇല്ലാതെ എന്നെ നിന്ന് അങ്ങു കളിയാക്കുവാണ്. ചെറിയ കുട്ടിയായിരുന്ന ഞാൻ, അടുത്തു നിന്നിരുന്ന ആൾക്കാരുടെ മുന്നിൽ വെച്ചു ഇവൻ ഇങ്ങനെ നിർത്താതെ പറയുന്നത് കേട്ട് ആകെ ഷോക്കിൽ ആയിപ്പോയി. ആകെ ദേഷ്യവും സങ്കടവും. ഞാൻ വീട്ടിൽ പറഞ്ഞു കൊടുക്കുമെന്ന് പറഞ്ഞു. അവൻ അപ്പൊ എന്നെ പുച്ഛിച്ചു കൊണ്ടു ഓടി പോയി. അന്ന് അതിന് ശേഷം എനിക്ക് അവനോടുള്ള ദേഷ്യം മാത്രം ആയിരുന്നു മനസ്സിൽ.

ഞാൻ അന്ന് തന്നെ വീട്ടിൽ ചെന്ന് പറഞ്ഞു. ടീച്ചറോട് ചെന്ന് ചോദിക്കാൻ പറഞ്ഞു. അവനു വഴക്ക് മേടിച്ചു കൊടുക്കണം എന്ന് പറഞ്ഞു. പക്ഷെ, സാരമില്ല പോട്ടെ എന്ന ലൈൻ ആയിരുന്നു വീട്ടുകാർക്ക്. ചീത്ത സ്വഭാവം കാണിക്കുന്നവർക്ക് പിന്നെ ശിക്ഷ കിട്ടിക്കോളും. പിന്നെ, അവൻ അവിടുത്തെ ടീച്ചറുടെ മോൻ അല്ലേ.  അങ്ങനെ ചെന്ന് പറഞ്ഞാൽ എന്റെ മാർക്ക് ഒക്കെ കുറച്ചു കളഞ്ഞാലോ..എന്നെ തോൽപ്പിച്ചാലോ എന്നൊക്കെയിരുന്നു എനിക്ക് കിട്ടിയ അഡ്‌വൈസ്. പിറ്റേന്ന് തന്നെ വീട്ടിൽ നിന്ന് വന്നു ടീച്ചറോട് കാര്യം പറയുമെന്നും അവനു നല്ല വഴക്കു കിട്ടുമെന്നും പ്രതീക്ഷിച്ച എനിക്ക് തെറ്റി. വെരി വെരി ഡിസപ്പോയിന്റഡ്. എന്നെ ആരും ഒന്നും പറഞ്ഞില്ലല്ലോ എന്ന് വീമ്പു പറയാനും അവൻ മറന്നില്ല.

വർഷം ഇത്ര കഴിഞ്ഞിട്ടും എനിക്ക് അന്ന് നടന്നത് ഇപ്പോഴും ഓർമയുണ്ട്. അന്നത്തെ അവന്റെ ക്രൂരമായൊരു ചിരിയുള്ള മുഖവും. 

കഴിഞ്ഞ ദിവസം ഈ കാര്യം പിന്നെയും മനസിലേക്ക് വന്നപ്പോൾ വെറുതെ അവനെ ഫേസ്ബുക്കിൽ സെർച്ച് ചെയ്തു നോക്കി. പ്രൊഫൈൽ കണ്ടു കിട്ടി. എന്നെ അന്ന് ഒരു കാര്യവുമില്ലാതെ കളിയാക്കിയവൻ ഇന്ന്  ഒരു പ്രൊഫഷണൽ മൊട്ടിവേഷണൽ സ്പീക്കർ ആണ്.

ങാ.. മനുഷ്യർ മാറുന്നത് നല്ലാതിനാണെങ്കിൽ...മാറ്റം നല്ലതാണ്.

ഇതേപോലെ ഇനിയും ഉണ്ട് കഥകൾ. അങ്ങോട്ട് ഒന്നും പറഞ്ഞില്ലെങ്കിലും ഇങ്ങോട്ട് വന്ന് ഈ മാതിരി വർത്താനം പറയുന്ന അല്ലെങ്കിൽ പറഞ്ഞിരുന്ന ചിലർ. സ്കൂളിലും കോളേജിലും കൂടെ പഠിച്ചവർ.. ആത്മാർത്ഥ സുഹൃത്തുക്കൾ എന്നു കരുത്തിയവർ..കൂടെ ജോലി ചെയ്തവർ..ചെയ്യുന്നവർ.. പഴയതും പുതിയതുമായ ബന്ധുക്കൾ. ചുമ്മാ കയറി വന്ന് വെറുപ്പിച്ചിട്ട് പോകും.

ഇത് വായിക്കുമ്പോൾ.. ഇത് ഇവൾ എന്നെ ഉദ്ദേശിച്ചാണ്.. എന്നെ തന്നെ ഉദ്ദേശിച്ചാണ്.. എന്നെ മാത്രം ഉദ്ദേശിച്ചാണ് എന്നു തോന്നിയവർ ഉണ്ടെങ്കിൽ.. അത് ശരിയാണ്. നിങ്ങളെ പറ്റി തന്നെയാണ്. 

നിങ്ങൾ വന്നു പ്രസംഗിച്ചിട്ട് പോകുമ്പോൾ എനിക്ക് കിട്ടുന്നത് ഒരു തിരിച്ചറിവാണ്. ഒരു മനുഷ്യൻ എങ്ങനെയാകരുതെന്നുള്ള തിരിച്ചറിവ്.